Asunción Morgade é a nova rexedora de Rairiz de Veiga
13:53 15/12/15
13:53 15/12/15
Asume o novo mandato con "tranquilidade e normalidade"
Asunción Morgade Rúa de 29 anos converteuse na nova alcaldesa de Rairiz de Veiga. A investidura tivo lugar ás 10h desta mañá no concello. Faltoulle o apoio de dous concelleiros do seu grupo de goberno.
A nova rexedora, que ata entón era a número dous do equipo de goberno, asume esta etapa "con tranquilidade e normalidade" e di que conta co apoio dos veciños e veciñas de Rairiz de Veiga.
Logo de levar seis meses no mundo da política pasa a ocupar o posto que ata a semana pasada cubría Xaquín Rodríguez quen dimitiu tras ser condenado por prevaricación.
Asunción Morgade convértese na alcaldesa máis nova de toda a provincia de Ourense.