Medio cento de persoas adentráronse nos recunchos do Pazo do Telleyro en Sandiás

Despois do éxito da I e II Visita dos anos pasados con máis de dous centenares de demandantes da actividade, este ano culminou un novo roteiro de preto de medio centenar de participantes provenientes da Comarca da Limia, Forcarei, Cartelle, Coruña, Madrid, Santiago, Redondela, Vigo, etc en dúas quendas de tarde e executado de maneira maxistral, con ciencia histórica, memoria e imaxinación por Claudia Gómez Cabrera, especialista no tema con estudos avanzados de Museoloxía e Patrimonio histórico Artístico.

A “Cultura no Verán” non para tampouco en Sandiás. O Concello organizou o sábado 29 de Xullo a III Visita Guiada polo Pazo do Telleyro (Couso de Limia), parte do importante patrimonio monumental. Unha boa oportunidade para descubrir a fidalguía e a cultura palaciana no rural ourensán. O Pazo é un dos máis belos e con máis carácter da comarca da Limia Alta. Emplazado ao carón do Camiño Real, base do Camiño de Santiago de peregrinación, ten máis de tres séculos de historia