O curso da USC rematou cunha visita ao museo da Lagoa en Sandiás
20:38 03/05/23
20:38 03/05/23
Remate do curso de coñecemento e experiencia da USC no concello de Xinzo. O tema foi "Biodiversidade e Conservación do medio natural" que impartíu a Dra. Teresa Rodríguez, titular de Veterinaria do Campus de Lugo, pertencente á USC
A clase práctica, realizouse no Museo da Lagoa de Antela e no Centro de interpretación da diversidade natural (Areeiras), ambos no concello veciño de Sandiás. Merece especial mención a colaboración maxistral de Pepe, o Concelleiro de Cultura do Concello de Sandiás. Foi o guía perfecto, dándonos en pouco tempo unha enorme cantidade de información, un trato esmerado ao grupo participante e unha dispoñibilidade exemplar, acompañándonos todo o mediodía, ata as 14:30 horas polos diversos observatorios das lagoas. Vale a pena volver a realizar e estudiar esta temática dende os moitos puntos de vista que ofrece e a riqueza natural que supón para a Limia.
