Ademais dos 500 asistentes Susana Vázquez estivo acompañada
de dous Conselleiros do Goberno Galego
Onte celebraron o
magosto, como é tradición, a pesar do temporal. Xuntáronse algo mais de 500
veciñ@s coa asistencia da conselleira de promoción de emprego, traballo e
igualdade ( Elena Rivo) e o Conselleiro do mar( Alfonso Villares).
Coa presenza do conseleiro do mar desprazouse ata Porqueira a foodtruck Galicia
sabe a mar, con moitisimo éxito. Ademais dos chourizos, a panceta e as
castañas, este ano tamén houbo degustación de produtos das nosas rías.
Lembrando que o progreso de Galicia foi sempre froito da cooperación e do
traballo colaborativo, especialmente no rural da Comunidade, a conselleira puxo
en valor que esta cita siga implicando ás veciñas e veciños de Porqueira e
celebrándose ano a ano. Tamén que saiba combinar a tradición deste tipo de
eventos coa conciliación, ao garantirse un espazo de lecer para o desfrute dos
máis cativos.