Segundo partido gañado dos Sénior do A.B.Xinzo

O ambiente nas gradas do pavillón era moi bo, aínda que durante os primeiros 38 minutos resultaron de moita tensión, pois o partido non ía mal, pero este ano o equipo Sénior tennos acostumados a ir gañando e no último cuarto botar todo polo río.

Tamén na tarde de onte parecía que ía suceder o mesmo cando faltando tan solo 2 minutos expulsan a un dos bases do equipo local e froito disto o equipo contrario contaría con 3 tiros libres máis posesión, por mor das  dúas técnicas pitadas ao propio xogador e ao banquillo.  Pero non todo quedaba aquí, aos poucos segundos un dos pilares do equipo lesionouse, tendo que saír acompañado de dous compañeiros.

Neste momento e tras estes acontecementos negativos, os xogadores do A.B.Xinzo, conxuráronse e centráronse nos poucos segundos que faltaban e conseguiron unha tripla que empatou o partido e a partir de aí varios tiros libres,  pola desesperación neste caso dos xogadores do equipo de Tui,  que fixeron que o partido, nesta ocasión caera do lado limiá.

A alegría dos xogadores, bancadas e ata presidente do club fixeron que a tarde, por segunda vez este ano fose perfecta.