14 toneladas de granito da Limia para a primeira médica de Galicia (da Limia)

De todos é sabido que unha das facetas que máis define ao escultor limiá Xosé Lois, son as obras en granito de grandes dimensións, e esta non podía ser menos. Neste caso as grandes dimensións veñen dadas poloas 15 toneladas que pesa e os case tres metros de alta, pero tamén poloa dimensión humana da persoa a que representa, Olimpia Valencia.

Primira muller galega licenciada en Mediciña

En 1925, a ourensá Olimpia Valencia converteuse na primeira muller galega en obter a licenciatura de edicina. Aínda que ela preferise especializarse en pneumoloxía, decidiuse finalmente pola xinecoloxía, sendo tamén a primeira muller en exercer esta especialidade. Por ser muller e polas súas ideas políticas non o tivo nada fácil. Pero grazas á súa gran profesionalidade gañouse o respecto dos seus pacientes e colegas de profesión. (Mujeres con ciencia).

Tres consellerías implicadas.

Xosé Lois recibe o encargo da Xunta, na que se implican as consellerías de Sanidade, Igualdade e Cultura, despois de que el presentara unha idea-proxecto que foi pronto aceptado polos membros do CEGAC .

O proxecto vai dentro da idea particular de Xosé Lois de “album de mulleres” e de recuperación de historias femininas.  Confesa que despois da finalización da obra da Dama da Lagoa instalada a entrada de Xinzo decidiu que todas as súas obras de agora en adiante, represente o que representen serán de mulleres.

O seu selo de identidade como escultor é o granito de Baltar

Xosé Lois dende sempre traballou o granito de Baltar, que segundo confesa é un pouco máis dificil de traballar pola sua dureza, pero ao final as obras quedan cunha suabidade e plasticidade diferente, un color canela moi bonito e sobre todo cando recibe directamente a luz do sol.

Tres X dous X un cincuenta

A escultura final ten unhas medidas aproximadas de 3x2x1,5, en postura sedente en homenaxe as esculturas sedentes   castrexas que apareceron no barrio de abaixo de Xinzo. O peso final da obra será de aproximadamente 14 toneladas.

Instalarase, creo, nun parque arredor dun centro de saúde en Vigo e estará rematada a finais de ano.