Xinzo tamén fixo o seu acto de restauración da Memoria Lingüística

Nun acto sinxelo pero emotivo os representantes dos catro grupos políticos que conforman a corporación municipal, como xa se ven facendo en distintos concellos de Galicia, puxo unha placa en galego Na memoria das persoas que naceron e viviron en galego para que a nosa lingua sexa eterna.

No acto interviron os tres portavoces ante un nutrido número de veciños que non quixeron perder a oportunidade para estar presentes e tamén algúns deles ao fin do mesmo asinaron a súa intención de que cando chegue o momento a súa identificación no cemiterio sexa en galego.

Nesta primeira ocasión o acto fíxose no nome de Teresa Rodríguez Blanco, parteira de Xinzo, facéndoo extensivo a todas as parteiras que tivo o concello, que serán tamén homenaxeadas nun futuro próximo.