Desembarco da cúpula do PSdG-PSOE mañá en Xinzo

 Mañá pola mañá aprobeitando a mobilización da Plataforma de loita pola Pediatría da Limia desprazaranse ata Xinzo o candidato do PSdG-PSOE a presidencia da Xunta acompañado polo Secretario Provincial e a diputada provincial e ex alcaldesa Elvira Lama.

Nota enviada polo partido fai unas horas: 

O candidato do PSdeG-PSOE á presidencia da Xunta de Galicia, José Ramón Gómez Besteiro, acompañado polo secretario provincial e senador, Rafael Rodríguez Villarino; pola deputada provincial e voceira socialista en Xinzo, Elvira Lama Fernández; por deputados e deputadas autonómicos e provinciais e por outros cargos orgánicos do partido na provincia e comarca participarán na mobilización convocada pola Plataforma Loita Pediátrica na Limia, que fará un percorrido dende o centro de saúde á Praza Maior. 

Tamén O Partido Popular da Limia mandou un comunicado aos medios anunciando que os seus alcaldes, alcaldesas e e concelleiros do partido na Limia, NON acudirán a movilización. 

Comunicado do PP da Limia: 

As alcaldesas, alcaldes e portavoces do Partido Popular na comarca da Limia acordaron non participar na manifestación convocada para mañá sábado, 30 de decembro, na capital antelá, en demanda de solucións á falta de profesionais de pediatría.

Os representantes populares destacan que desde o primeiro momento apoiaron as reclamacións da plataforma Loita Pediatras da Limia, mesmo tamén expresando o seu acordo coa creación dunha comisión negociadora integrada por membros do citado colectivo e alcaldes da comarca, co fin de manter una reunión coa Consellería de Sanidade.

Con todo, subliñan desde o PP da Limia, “a nosa principal aposta sempre foi o diálogo, como así o defendemos na reunión celebrada no Concello de Xinzo, onde cómpre lembrar que tamén pedimos expresamente aprazar calquera mobilización ata que se produza a reunión cos responsables de Sanidade”.

Esta reunión, engaden, vaise celebrar o próximo día 9 de xaneiro en Santiago co conselleiro de Sanidade, “polo que non entendemos a urxencia coa se convoca a manifestación do sábado”.

Para os representantes municipais do PP na comarca, “organizar esta concentración sen coñecer o resultado dunha entrevista que aínda non se produciu e cunhas eleccións autonómicas xa convocadas só vai procurar a politización partidista dun problema que afecta que afecta a todos os país e nais da comarca, con independencia de cores políticos”.

O BNG de Xinzo comunica que os seus concelleiros de toda a Limia estarán presentes e  acompañados por parlamentarios do grupo a nivel autonómico e provincial, confirmando a asistencia xa de Noa Presas e Iago Tabarés, ainda que manifestan que o protagonismo nesta ocasión ten que ser da Plataforma.