Nova distinción internacional para o limiao Eladio Jardón

Eladio Jardón foi considerado como un dos 100 profesionais da consuloría en comuicación política máis influentes do ano 2023.

The Washington Academy of Political Arts & Sciences (WAPAS) seleccionou ao grupo de élite de quen considera as 100 persoas máis influentes na consultoría política a nivel mundial. Trátase dun cento de consultores, analistas, comunicadores e políticos, entre outros, que lograron deixar pegada este ano grazas ás súas valiosas achegas. Como xa é tradición, esta listaxe inclúe nomes de profesionais do mais alto nivel mundial e tamén  a outros que poden non ser coñecidos de maneira masiva, pero todos coinciden nunha característica: lograron gran influencia no medio en que desempeñan, os seus logros transcenderon e merecen ser recoñecidos. Formar parte desta listaxe de profesionais de alto nivel, seleccionados entre aspirantes de máis de 20 países, é un recoñecemento á gran influencia que cada un destes 100 especialistas exercen, ao seu liderado, alta xerencia e garantía de resultados. Para Eladio Jardón, “é unha gran honra recibir este recoñecemento xunto a 99 compañeros de todos os recunchos do mundo. Este galardón, representa o traballo dun equipo que cre na profesionalización dun sector cuxo principal obxectivo é contribuír na mellora das democracias no mundo, achegando as necesidades dos cidadáns aos servidores públicos”.

O consultor, natural do concello de Baltar, na provincia de Ourense, xa foi noticia de ámbito internacional noutras ocasións. En anos anteriores, recibiu o prestixioso premio Victory Award en Washington e tamén resultóu gañador do premio Reed Latino, galardón que entrega anualmente a revista Campaigns & Elections en México.