Os Franciscanos vivían das misas as mortallas e a limosna
Trandeiras, tivo un pasado moi turbulento, e o seu futuro, tampouco se ve moi claro
Estas foron as principais conclusións despois da conferencia sobre a súa historia que deu o historiador Alex de los Ríos, que foi presentado polo arquitecto e membro do Centro de Cultura Popular do Limia Manuel Seoane.
Onte a tarde os amantes da historia e da Limia, déronse cita no café Ítaca para escoitar o achados do historiador Alex de los Ríos responsable da Casa da Lagoa en Sandiás e estudoso de Trandeiras, sobre todo dende a chegada dos Franciscanos.
Alex de los Ríos e Manuel Seoane
A historia real do convento estivo chea nestes 500 anos de
moitos devaneos, entre os que se encontran os dous incendios, a loita cos
Franceses na batalla da Ponte da Lagoa de Antela, que tamén o afectou, e
despois da desamortización os distintos propietarios que tivo, que como se
puido ver nunha foto presentada por Alex nun diario de Madrid, regalábano se
lle compraban a finca.
Co tempo recaeu nos veciños de Xinzo, foi comprado polo
concello para polo menos conservar o que quedaba del. Hoxe en día o Concello
e a CHMS están a levar a cabo unhas obras de contención e de arranxo das
conducións de auga ata o mesmo, na que descubriu que no mosteiro levábanse a
cabo traballos con coiro.
Vídeo coa conferencia completa de Alex de los Ríos
Rematada a conferencia levouse a cabo un debate máis que
interesante entre persoas do público con Alex e Manuel.