“A adxudicación é totalmente legal, e non é para material”-Amador Díaz
Amador Díaz, alcalde , di que o representante do BNG, ten que pórse máis ó día do funcionamento da administración local.
Con respecto a nota enviada polo BNG sobre unha adxudicación, que eles chaman “a dedo” o alcalde quere facer varias aclaracións.
A primeira delas e que os cartos van a ser para facer
unha caseta, non para material deportivo. O club, xunto coa súa masa social
necesitan un “alpendre” “almacén” para meter o material deportivo, quizais foi
iso o que entendeu mal o compañeiro de corporación.
En segundo lugar, a adxudicación foi en Xunta de Goberno,
non por decreto, que tamén podía ser, porque entra dentro das prerrogativas de
calquera alcalde, que por certo é unha figura a que todos recorren
habitualmente, sendo un contrato de menor contía. Nin que dicir ten continúa aclarando Amador, que esta
adxudicación a unha empresa do concello, ten todas autorizacións e informes
administrativos e fiscalizadores, como non podía ser doutra maneira.
Tamén rexeita o cualificativo de “tendencioso”, porque a obra foi adxudicada o 30 de novembro.
Por último manifesta Amador que mentres se poida seguirán
facendo estas adxudicacións, para axudar as pequenas empresas da Limia e sobre
todo, como ocorre neste caso nunha obra no medio rural, que tanto el di
defender.