O Entroido galego será recoñecido coa máxima figura patrimonial existente na nosa Comunidade

Carlos Gómez, concelleiro de Cultura de Xinzo, deu a benvida ao Museo Galego do Entroido ao conselleiro de Cultura da Xunta, aoPresidente do INORDE en representación da Deputación Provinvcial (xetora do Museo Galego do Entroido) e aos representantes dos moitos Entroidos de Galicia que estaban invitados ao acto no que o Conselleiro anunciou que o próximo xoes o DOGA publicará incoación do expediente para outorgar esta distinción, na categoría de patrimonio inmaterial, a unha das tradicións máis singulares e arraigadas de Galicia. 

Con esta incoación, a Consellería de Cultura quere “ir un paso máis aló e realizar unha reivindicación xeral do Entroido en Galicia”, declarou Román Rodríguez. “Coa declaración BIC queremos asentar unha metodoloxía específica de preservación, coidado, estudo e divulgación desta celebración galega, e sinalalo como un elemento central no patrimonio inmaterial de todos os galegos e galegas, e polo tanto esencial para definir e comprender a identidade de Galicia”, engadiu o conselleiro.

Este será o primeiro paso para conquerir co tempo a declaración Patrimonio Cultural Inmaterial de la Humanidad para o Entroido de Galicia.

Representantes doutros Entroidos de Galicia que asistiron ao acto

Rematado o acto, ao que pola parte do Entroido de Xinzo estiveron presentes unha representación da Pantalla, todos fixeron un percorrido polas instalacións do Museo.

Momentos anteriores ao comezo do acto