O Concello aproba o maior contrato de coidados a domicilio da súa historia
O orzamento para axuda a domicilio, que ascende a case 900.000€, representa un 10% das contas xerais e foi aprobado por unanimidade.
Durante o pleno de carácter extraordinario, celebrado para escoller ós compoñentes das mesas electorais de cara ás eleccións autonómicas do 18 de febreiro, aprobouse a adxudicación do maior contrato de axuda a domiclio na historia de Xinzo co voto favorable de tódolos grupos políticos.
O Concello de Xinzo de Limia aumenta un 10% o orzamento destinado ás axudas a domicilio, o que supón o maior investimento en coidados na historia deste Concello, con preto de 900.000€ anuais. Segundo Amador Díaz, o que se pretende é “seguir dando máis e mellores servicios, á vez que traballamos por reducir a 0 ese tempo de agarda, que sería marabilloso para a calidade de vida das nosas persoas maiores e para que poidan seguir quedando nas súas casas”.