O Xerente do Consorcio visitou hoxe o centro de día de Xinzo

Perfecto Rodríguez sinalou que os centros de maiores da Xunta dispoñen dunha ampla programación de actividades nas que, entre outros aspectos, se fomenta o contacto entre xeracións e o envellecemento activo. En concreto, a actividade que se desenvolveu no centro de Xinzo de Limia denominouse ‘Oleiro’.

O xerente do Consorcio Galego de Servizos de Igualdade e Benestar, Perfecto Rodríguez, visitou esta mañá o centro de día para persoas maiores de Xinzo de Limia, pertencente á rede pública da Xunta de Galicia. A visita coincidiu cunha actividade na que tamén participaron usuarios do centro de día de Allariz, e que se enmarca na celebración do Entroido.