Broche de ouro aos 4 días grandes do Entroido 24
Fai catro días, ninguén esperaba o día e a temperatura do martes, cuestión que encheu Xinzo, como nunca, de veciños e visitantes.
Todos os prognósticos de fai tres días facían tremer polo desfile do martes, como aconteceu co do venres, pero todos eses malos presaxios deron un luns e martes de entroido como poucas veces se recordan.
O DESFILE, COMO SE ESPERABA
Xa sabemos todos que o desfile de Xinzo, non é para lucirse,
como así acontece noutros lugares da nosa xeografía. O desfile de Xinzo segue
sendo para desfrutar, tanto os que van
nel, como os espectadores. E iso mesmo aconteceu esta tarde en Xinzo. Os
participantes luciron as súas mellores galas e o seu mellor humor e os espectadores,
vidos de todas as partes da provincia, desfrutaron ata o final do mesmo, como
case sempre.
Parabéns a organización polo número, vistosidade e colorido
posto polas pantallas e polo cumprimento do horario.
Un ano máis o Entroido de Xinzo, a falla dun par de dias, despídese
cunhos milleiros de persoas nas rúas divertíndose, e a hostalaría facendo
caixa.