Agora si comeza a conta atrás para o comezo das obras que van a transformar o agro na Limia

 Entre 2.700 e 4.000 € terán que poñer os regantes incluídos no plan

Onte a noite rematou a primeira fase, a máis complicada, para que poida poñerse por fin en marcha as obras do plan de regadío no que se investirán 35 millóns de € de fondos europeos e máis de 7 aportados pola Xunta de Galicia. Do montante total os agricultores terán que abonar o 20% ademais do IVE correspondente.

Amador Saburido, presidente das catro comunidades estaba exultante ao fin da última e decisiva asemblea. Despois dunha semana moi intensa e despois de unir ás catro comunidades, isto xa vai pa diante. Agora si que podemos dicir que é un antes e despois e solo nos queda depositar o aval de case dezasete millóns de euros, antes do día 12 de abril, para que SEIASA comece as obras. A reunión de hoxe precisamente foi para a aprobación do aval e explicar a repercusión por hectárea do que nos corresponde aos propietarios.

PRIMEIRO OBSTÁCULO O AVAL DE 16 MILLÓNS

Onte reuníronse os compromisarios para aprobar a parte económica correspondente que teñen que aportar para que a obra poida arrancar. Esta cifra ascende ao 40% do custe total, superando este aval os 16 millóns de €, que xa teñen comprometido cunha entidade bancaria local. Segundo manifestou o asesor dos regantes, foi un camiño difícil e complicado, pero logrouse con unhas condicións moi vantaxosas para os comuneiros.

ENTRE 2.700 E 4.000 €/HECTAREA

Outra das cuestións que tiñan que aprobar era o custe total que vai a supoñer a cada comuneiro por hectárea. A cifra vai dende os 2.700 € hectárea a un máximo de 4.000. Amador Díaz, alcalde de Xinzo e membro da directiva da comunidade está convencido que si non hai moitos atrancos e a Xunta cumpre co prometido polo conselleiro, pode ser que a cifra de 2.700 poida rebaixarse un pouco.

PERCORRIDO LONGO E MOI DIFÍCIL

Todos estiveron de acordo nas súas manifestacións en que o proceso foi moi longo e tortuoso, por dicilo de algunha maneira. Non é fácil por de acordo a tantos propietarios.

Neste proxecto e nesta primeira fase son 1925 hectáreas que pertencen a 1.000 propietarios. Noutras zonas do pais esas hectáreas son de tan solo 100 propietarios. Isto fainos reflexionar sobre o difícil que é poñer de acordo a mil propietarios.

Solo pido dicía Amador, un pouco de paciencia posto que, o resultado desta transformación verase realmente dentro de 5 ou 6 anos, para comprender realmente a importancia e transcendencia do día de hoxe para a Limia.