“PREVISIÓN E DILIXENCIA” COS CHEIROS DOS SUMIDOIROS.
Petición do BNG ao concello de Xinzo
Camilo Vila e Manuel Pozo, voceiro e vicevoceiro do Bng, informaron que o grupo nacionalista levará ó próximo Pleno a necesidade de anticiparse a un problema que “non tardará en chegar”.
A
rede de sumidoiros de Xinzo ameaza á veciñanza con cheiros incómodos que se
repetirán eventualmente nos próximos meses polo que o Bloque esixe medidas
específicas para que este problema non se converta nun inconveniente tanto para
o día a día dos veciños e veciñas da vila e do resto da comarca e especialmente
para a hostalaría.
Vila
lamenta que “este grupo de goberno ten demostrada a súa incapacidade de
anticiparse ós problemas tal e como vivimos co tema dos colexios electorais
pechados, o malestar provocado coas podas do outono ou a falta de pediatras no
centro de saúde por iso lle axudamos a que non siga cometendo os mesmos erros
que paga a veciñanza”.