A pista da Armada primeiro dos compromisos do goberno local, en marcha.
A Xunta e a Deputación de Ourense destinarán 320.000 € para o arranxo integral
Esta mañá o alcalde Amador Díaz, acompañado polo concelleiro de obras e os tenentes de alcalde asi como da maioría dos concelleiros do PSOE acompañaron ao conselleiro de Medio Rural José González e ao presidente da Deputación Luis Menor na visita que fixeron para presentar as obras que segundo manifestou o propio conselleiro comezarán a semana que ven.
Declaracións do alcalde, conselleiro e presidente Deputación
Vía fundamental
para dar saída á produción agroalimentaria da bisbarra
A actuación conxunta das tres administracións implicadas
permitirá levar a cabo o ensanche, a pavimentación e a instalación dunha nova
rede de sumidoiros, así como a sinalización horizontal e vertical, cun
investimento de 320.000 euros, achegados por Medio Rural (220.000) e a
Deputación (100.000)
Luis Menor, na súa intervención lembrou que trala súa toma de posesión como
presidente provincial, unha das súas primeiras visitas foi ao municipio de
Xinzo de Limia onde se comprometeu a colaborar na mellora desta importante vía.
Dito compromiso xa se materializou na primeira modificación de crédito aprobada
no pasado mes de outubro cunha achega de 100.000 euros. “Demos solución en
tempo récord a unha das demandas máis urxentes e necesarias que se nos
trasladaron por parte do goberno municipal limiao”, recoñeceu o presidente
provincial.
Con esta nova
actuación demostramos unha vez máis que tanto a Deputación como a Xunta de
Galicia “estamos comprometidos con facer desta comarca un referente do sector
agrícola galego”, sinalou Luis Menor. Resaltou, así mesmo, que o Concello de
Xinzo recibirá neste ano da Deputación de Ourense máis de 348.000 euros ao
abeiro do Plan CooperOU.
O conselleiro e o presiodente foron recibidos no concello
Agradecemento do alcalde
Pola súa parte, o alcalde de Xinzo
agradeceu “enormemente” a implicación da Xunta e da Deputación pola súa achega
económica para arranxar esta pista. As obras comezarán a vindeira semana e
tratarase de que rematen á maior brevidade posible dado o estado actual da vía,
para facilitar así o tránsito dos vehículos agrícolas e pesados, tal e como
anunciou o conselleiro do Medio Rural en funcións.