Os días 13 e 20 de abril pola mañá
A Universidade volve un ano máis a Xinzo
A USC impartirá formacións orientadas a maiores de 50 anos
O Concello de Xinzo desenvolve un ano máis o programa universitario para maiores da USC. Faino a través dun convenio de colaboración coa Universidade de Santiago de Compostela e a Xunta de Galicia no que participan un total de 22 Concellos galegos. Na presentación do proxecto que tivo lugar este venres participaron Carlos Gómez, o concelleiro de Cultura, e Alexandre Sotelino en representación da USC.
“Camiños de Coñecemento e Experiencia” é unha actividade
orientada a maiores de 50 anos co obxectivo de “levar o coñecemento ó lugar
onde máis sentido ten, a rúa”. O programa consta dunha serie de formacións
teóricas e prácticas, entre as que se destaca o Seminario “500 anos do Bon
Xesús de Trandeiras”, que terá lugar o día 13 de abril pola mañá.
O día 20 e abril farase unha actividade teórica e tamén práctica en
torno ós asteroides e meteoritos, e haberá tamén unha última formación,
aínda sen datar, sobre a poda de árbores froiteiros, forestais e ornamentais.