OCEANOE, foi presentado en Xinzo
Os amigos da Arca da NOE da Limia, e de outros lugares asistiron a presentación do proxecto que rematou nun libro-DVD.
Moitos foron os que non quixeron perderse a presentación dun proxecto ideado por NOE, a “alma mater” do proxecto moitas veces premiado da ARCA DA NOE de Vilar de Santos.
Tamén asistiron algúns dos protagonistas do libro, a súa
escritora, o maquetista así como as responsables de levar o guión e a
realización dos case 30 vídeos con cancións orixinais que ao longo de máis de 2
anos se foron gravando polas terras da Limia.
Tamén houbo música en directo, neste caso a cargo do grupo
de rapazas “As Xingras da Arca” e o baile un grupo de afeccionados que tamén
fomentan os bailes galegos, simplemente polo feito de divertirse e gozar.
As Xingras da Arca
O libro comezouse a tecer no ano 20, en plena pandemia por
medo a que o proxecto da Arca chegara a desaparecer e todo o que se levaba
feito non quedara de algunha maneira documentado para a posteridade e indo
indo, como sempre ocorre converteuse nun macro proxecto audiovisual e de
lectura co que se percorre toda a Limia.