LIMISI e a diversidade funcional moi presentes na carreira de obstáculos “O Camiño Race” en Xinzo de Limia.
Persoas con discapacidade presentes na carreira "O Camiño Race"
Persoas con diversidade funcional correrán o domingo 21 de abril e participarán tamén como voluntariado na organización do evento.
O 21 de abril celebrarase en Xinzo de Limia o campionato galego de carreiras de obstáculos. Baixo o nome de “O camiño Race” centos de deportistas profesionais e aficionados, entre eles persoas con diversidade funcional, recorrerán este circuíto cheo de obstáculos, por monte e semi urbano que atravesará a vila.
Este ano como novidade LIMISI participará na carreira. De cor rosa, e coa camiseta de FusionFitness, unha escisión deste equipo limiao representará á LIMISI acompañando a persoas con diversidade funcional.
Ademais, ao igual que na anterior edición, varios mozos e mozas usuarias de LIMISI realizarán voluntariado na carreira axudando á organización para que todo saia ben. Como vixías nos obstáculos, no roupeiro, no avituallamento, na entrega de trofeos, etc. Con isto pretendemos normalizar a diversidade funcional, fomentar unha inclusión real e dar a ver que as persoas con diversidade funcional tamén poden ser útiles na sociedade, axudar e aportar, non só recibir axuda como ven sendo o máis habitual.
Tamén por primeira vez, a organización do evento (OCRA Galicia, Fusión Fitness e Diesemm) decidiu ofrecer un “dorsal solidario” a un prezo de 3€. Doarán todo o recadado á Asociación LIMISI para dar continuidade aos seus proxectos de inclusión social. Todas aquelas persoas que decidan colaborar poderán facelo ata o 16 de abril a través do seguinte enlace.
https://ccnorte.com/evento/competicion-recorrido/o-camino-race-2024//c/14755#info-14755