O certame literario “Antón Tovar” xa ten xurado
Estará presidido pola limiá Conchita Rúa
Conchita Rúa, licenciada en Xeografía e Historia, profesora xubilada do IES Lagoa de Antela de Xinzo da Limia e membro do Consello Asesor do Museo da Limia, presidirá o xurado do Certame literario “Antón Tovar”.
O xurado estará
presidido por Concepción Rúa González, profesora xubilada, membro do Consello
Asesor do Padroado do Museo da Limia, actuará de secretario Juan Jardón
Nogueiras, oficial Rexistro Xinzo e completarano tres vogais: Xela Fernández
Fernández, directora CEIP Carlos Cid Arregui, Rairiz de Veiga, Manuel Jardón
Pedras, profesor xubilado, membro do Consello Asesor do Padroado do Museo da
Limia e María Garrido Rodríguez, profesora do IES Cidade de Antioquía de Xinzo.
O prazo de presentación das obras remata o 20 de maio, o fallo darase a coñecer o 4 de xuño, coíncidindo co 20 aniversario do pasamento do poeta da Pereira e a entrega do premio terá lugar nun acto público que se celebrará no Museo da Limia o 15 de xuño. As bases poden consultarse na web do Museo, https://www.museodalimia.com/
A obra poética
e narrativa de Antón Tovar, feita de
autenticidade e alta calidade literaria, mantén plena vixencia nos nosos días.
A convocatoria deste certame literario
Antón Tovar por parte do Museo da Limia quere ser unha nova chamada á
sociedade galega para que valore o extraordinario legado creativo do autor
ourensán.