Visita ao Centro de Interpretación da Lagoa de Antela en Sandiás
O pasado venres 3 de abril o Centro de Interpretación da Lagoa de Antela e o patrimonio xeolóxico, etnográfico e ornitolóxico do humidal artificial das Areeiras de Sandiás. Acompañados por Quique (docente de Bioloxía e Xeoloxía e coordinador do programa ambiental NaturezAula) levouse a cabo este roteiro didáctico ambiental. O Seminario de Xeografía e Historia e o Seminario de Ciencias Experimentais traballaron xuntos para a organización da actividade interdisciplinar que combina á perfección natureza e patrimonio.
A visita guiada na Casa da Lagoa e nas Areeiras
de Sandiás foi intensa e tivo unha duración de catro horas. A visita guiada levouna a cabo Alex de los
Ríos, guía especializado en historia con ampla experiencia didáctica e Pepe
Gándara, profesor do centro e coordinador da “Casa da Lagoa”.
Visita
a Exposición Permanente do Centro de Interpretación da Lagoa de Antela
A visita deu comezo visionando un audiovisual sobre
diversos aspectos do humidal natural da
Lagoa o humidal artificial das Areeiras e o patrimonio etnográfico do Concello
de Sandiás. A continuación percorremos varias salas da planta baixa e alta.
Fíxose
referencia a Lagoa en xeral e as súas dimensións, análise de varias fotografías
históricas, o uso das barcas e os proxectos de desecación. Tamén a Xeografía mítica ( os
espazos e habitantes imaxinarios da Lagoa de Antela. Fíxose rápida referencia a
diversas lendas e contos como o referido a Cidade de Antioquía). Despois de breves referencias ao folclkore,
a etnografía e as economías perdidas da lagoa (comercio de ras, samesugas,
ovos, peixes), por último tratáronse aspectos
de Xeografía Cultural aplicados a Lagoa de Antela, facendo unha reflexión
xeral sobre toponimia e pondo exemplos concretos de toponimia maior e menor
da zona. Na planta alta repasouse con detalle a fauna e flora típica da Lagoa
de Antela.
Visita
“in situ” dunha areeira. Patrimonio xeolóxico-minerio e sistemas de explotación
Visitouse
unha das areeiras en explotación e baixo a guía de Salvador Blanco , recibiron información precisa do sistema e
proceso de explotación da areeira. Houbo referencias a xeomorfoloxía e o
corte estratigráfico da zona das areeiras, o sistema de explotación industrial
e tamén sobre a fase de abandono e restauración ambiental. Na mesma areeira
poidemos observar nun dos noiros verticais unha colonia de Andauriña das Barreiras
(Riparia riparia).
Visitaron o observatorio ornitolóxico 2 (Casa dos Terróns), exempo de arquitectura
tradicional sustentabel en terra. Poidemos
observar cegoñas e Anduriñas das Barreiras e facer pequenas observacións
ornitolóxicas aínda que o tempo de friaxe e inestable non acompañou. Quedou
por ver o observatorio 1 (reproducción dun Palafito).
Volta o
Centro de Interpretación e presentación da transformación da paisaxe da Lagoa,
análise da cartografía e presentación dos proxectos de restauración ambiental
que se están levando a cabo, especialmente pola Sociedade Galega de Historia
Natural (Sghn)
Tratouse
a xeografía física e humana da Lagoa (formas de relevo, factores antrópicos
como as pegadas do ser humano na zona coa ocupación do espazo e o proceso de
desecación e concentración parcelaria), cartografía
do Complexo Húmido Antela-Limia e tamén aspectos de xeografía cultural
(topónimos ou chamadoiros da Lagoa). Así mesmo, presentáronse con detalle os proxectos da “Poza dos Arieiros” e “Poza
das Conícoras” no humidal artificial das Areeiras e o Proxecto no humidal
natural da Lagoa de Antela, concretamente na Veiga de Vilaseca, denominado
“Antonio Vilariño.
Cecais nun futuro próximo estas pezas dispersas ou
como alguén lle chamou “o minifundismo da auga”, poidan volver configurar un
novo humidal artificial herdeiro do xa mítico sistema lagunar natural
denominado lago Beón.
Moi
satisfeitos quedamos na Casa da Lagoa e
moitas grazas pola vosa visita esperando que fose de proveito. Esperamos
que veñades noutras ocasións, pois o que
nos ten que contar a Lagoa de Antela da para moito máis.