Un adestrador de valores
O A.B. Xinzo, pode presumir da formación en valores que se lle transmite aos nenos e nenas, moito máis importante que os resultados, despois do visto en Ourense
A verdade é que describir o que pasou esta mesma mañá no campo de basket da Universidade en Ourense no enfrontamento polo paso as semifinais da Deputación do equipo mini feminino do A.B. Xinzo contra o Mestre Vide, foi algo digno de saír en todos os informativos a nivel de España.
Sempre é noticia cando os pais e acompañantes dos equipos se enfrascan cos árbitros, pero esta mañá, repito, creo que en poucos campos de España se pode ver.
A primeira das escenas, que colleu o noso fotógrafo foi o momento en que os seguidores do equipo de Xinzo increpaban ao arbitro do encontro, indo por arriba no marcador, e no momento o adestrador, do cal temos que dicir o nome e apelidos en maiúsculas LUIS MIGUEL GIL PENIN dirixiuse aos seus seguidores para reprochar o que estaban a facer dicíndolle dende a cancha que el era o único que podía “dirixirse ” as súas xogadoras e ó árbitro.
Pero non acabou aquí a mañá de sorpresas.
Cando o arbitro deu por finalizado o partido, a mesa comunicou que rematara en empate. A sorpresa foi aínda máis maiúscula cando Luis Miguel, adestrador do equipo de Xinzo se dirixiu a mesa para indicar que repasaran a acta, que había un erro, porque o seu equipo perdía por un punto, que non lle anotaran ao equipo contrario. E así rematou o partido. As xogadoras de Xinzo, quedaron todas desilusionadas, pero acababan de recibir a lección máis importante, posiblemente das súas vidas.
O mundo do baloncesto de Xinzo, pode estar orgulloso de quen preside o club e transmite os valores para ser persoas de ben, sendo isto máis importante que os resultados.