​“ALMA”, A 3ª PRODUCION DE JAVIER SANTANA

A curtametraxe dramática e de carácter intimista “Alma”, manifesta a insatisfacción da xuventude e a propia conexión con outras persoas cando un se sinte perdido. É unha reflexión visual onde a psicoloxía xogará un papel fundamental. O reparto está formado completamente por mulleres, entre elas Mayka Braña. Recoñecida no panorama audiovisual galego e nacional por series como “Libro de familia”, “Pazo de familia” ou “Servir y proteger”. Tamén a modelo de sete anos Lara González, natural de Vigo, cunha importante traxectoria no mundo da moda, participará no proxecto.Entre as máis de dez localizacións encóntrase o Pazo de Lourizán unha edificación do século XV, o Convento de San Francisco, o Museo de Pontevedra ou o casco histórico da cidade.

A organización sen ánimo de lucro está constituída dende hai un ano por dez membros das catro provincias. Javier forma parte dela. O seu principal obxectivo é crear e organizar eventos ademais de producir obras audiovisuais con carácter legal. Paralelamente pretenden asentar unha marca, a marca Mómaro. “Estamos abertos a todo tipo de propostas, dende spots publicitarios para redes, eventos ou producións cinematográficas”, afirma. Dende o mes de xullo do ano pasado encóntranse en fase de preprodución deste novo proxecto.

Tras os seus estudos no IES Cidade de Antioquía, decidiu estudar o FP Superior de Produción Audiovisuais e Espectáculos en Ourense no CIFP A Farixa. Paralelamente introduciuse no panorama audiovisual como produtor coa serie web Os Tempos Mortos do Führer. Proxecto que chegara a América Latina e tivera a súa propia estrea na Casa da Cultura en Xinzo en 2021. Nese mesmo ano outorgáronlle o Premio Extraordinario de FP por obter a mellor puntuación en Imaxe e Son en Galicia. A súa segunda produción, “Uxía” chegaría en 2023 coa selección no “Fas Muvis. Límite 48h” do OUFF. Actualmente encóntrase no terceiro ano do Grao de Comunicación en Pontevedra.