Tempo de defuntos

A poucos días dos Fieis Defuntos o concello estivo facendo limpeza dos distintos cemiterios que temos en Xinzo.

Coa chegada da festividade dos Fieis Defuntos, desde o Concello de Xinzo de Limia realizáronse traballos de desbroce e limpeza nos cemiterios municipais da vila. Estas accións buscan garantir un espazo digno e coidado para que os veciños poidan honrar aos seus seres queridos.

Ademais, o Concello quere agradecer o compromiso e colaboración dos veciños das distintas parroquias, que tamén levaron a cabo labores de limpeza nos seus respectivos cemiterios, contribuíndo a manter en bo estado estas áreas de especial significado para a comunidade.

Tamén os particulares aproveitan estes días de sol para ter da mellor maneira posible os nichos dos seus seres queridos.

Esta mesma mañá topamos a un familiar da homenaxeada matrona de Xinzo,  Genoveva pintando o lugar do seu descanso, que segundo nos comentaba faía tres anos que non se pintaba.