FINALIZADOS OS CURSOS DE TÉCNICAS E ELABORACIÓN DE CONSERVAS E PRODUTOS VEXETAIS
Os cursos leváronse a cabo na casa da cultura Xinzo de Limia e no forno comunitario de Sarreaus
Xa finalizaron os cursos organizados e impartidos por AFAMMER OURENSE - Asociación de Familias e Mulleres do Medio Rural – cunha duración total de 78 h sobre técnicas de conservación e elaboración de conservas que alargan a vida dos produtos vexetais.
A formación realizouse durante os meses de setembro e outubro cos obxectivos de promocionar a formación e inserción laboral da muller, o aproveitamento de produtos agrarios de calidade "km O”, o asentamento da poboación nos pobos, así como a dinamización do rural.
Os cursos leváronse a cabo na casa da cultura Xinzo de Limia e no forno comunitario de Sarreaus, a partir do Plan Plurirrexional de Formación 2024, financiado polo Ministerio de Agricultura, Pesca e Alimentación.
