Renovación do DNI en Xinzo

O Concello de Xinzo de Limia lembra á veciñanza que tódolos meses é posible tramitar ou renovar o DNI directamente no municipio grazas á colaboración da Policía Nacional, sen necesidade de desprazarse a outras localidades.

Neste mes de decembro, o servizo estará dispoñible o días 11, para realizar as xestións, e o día 18, para recollelo. O punto de atención estará situado na primeira pranta da Casa do Concello.

As persoas interesadas deberán achegar unha foto recente tamaño carné, aboar a taxa de 12€ e, no caso de primeiras expedicións ou cambios de residencia, presentar a documentación que corresponda.

Este servizo permite aos veciños e veciñas axilizar os trámites dun xeito cómodo e accesible.