Entrega de premios do II Concurso de Patapas de Xinzo de Limia

 O Concello de Xinzo de Limia celebrou a entrega de premios do II Concurso de Patapas, un evento que volveu poñer en valor a gastronomía local e o apoio ao comercio da vila. Nesta edición, repartíronse máis de 2.500 euros en cheques para consumir nos establecementos de Xinzo, promovendo así a economía local e fomentando o dinamismo comercial.

Os dous premiados despois de recibir o premio 

 O certame contou cunha ampla participación cidadá e destacou pola implicación da veciñanza, que respondeu con entusiasmo a esta iniciativa culinaria e festiva. Os premios foron entregados aos gañadores do sorteo realizado entre os participantes, pechando así unha nova edición de éxito que consolida o Concurso de Patapas como unha cita imprescindible no calendario local.

Desde o Concello, agradécese a colaboración de todos os establecementos e a participación activa da cidadanía, que fan posible seguir promovendo actividades que fortalecen a identidade e a economía de Xinzo de Limia.