Os Reis Magos chegarán a Xinzo este 5 de xaneiro
18:49 03/01/25
18:49 03/01/25
O vindeiro domingo, día 5 de xaneiro, Xinzo de Limia recibirá aos Reis Magos de Oriente nunha tarde chea de ilusión para pequenos e maiores.
A cabalgata sairá ás 17:30 horas da Praza Carlos Casares, pasando pola Praza Maior e a rúa Dous de Maio, ata chegar ao Pavillón de Deportes, onde terá lugar a recepción ás 18:00 horas. En caso de choiva, manterase unicamente a recepción no Pavillón de Deportes ás 18:00 horas.
Como é costume, os Reis Magos visitarán previamente a residencia da terceira idade para compartir un momento especial cos nosos maiores.
Para máis información ou actualizacións, pódese consultar as redes sociais oficiais do Concello de Xinzo de Limia.