Sonetos do Entroido por Alfonso C.Lois
20:14 07/02/25
20:14 07/02/25
Soneto do Petardazo
Que é, que tanta xente se congrega
na Praza de Casares, disfrazada?
Por que está feliz e ilusionada?
Parece que algo espera e que xa chega!
Está o pobo nervoso. Quen o nega!
Achégase xa a hora desexada!
Saíu a mocidade de ruada!
e á festa, con paixón, feliz se entrega.
Que foi? Que anconteceu? –Dime, rapaza.
Por que troulea a xente sen cansazo?
Por que inzada e chea está esa praza?
“O Entroido comezou xa nese espazo.
A xente é feliz cando se abraza;
en Xinzo está a gozar do PERTARDAZO!”
Alfonso Carlos Lois