Soneto ao "FARELEIRO"
10:29 08/02/25
10:29 08/02/25
Por Alfonso Carlos Lois
SONETO AO “FARELEIRO”
(ENTROIDO DE XINZO DE LIMIA)
Chegou o FARELEIRO. A mocidade
desfruta coa fazula enfariñada.
Farelos por quintais, festa rachada;
o manto da fariña a praza invade.
Comeza a festa da fertilidade;
O ar é nebra e branca farelada;
O chan semella ter gran nevarada;
Na troula amósase a felicidade.
Inzou a “gran batalla” con firmeza;
mais, nela manda o humor, non a malicia.
Atacan ata os nenos con fereza.
Xamais hai agresións, senón nobreza;
Estase a celebrar con gran ledicia
a festa da fecunda natureza.
Alfonso Carlos Lois