SONETO AO “DESFILE INFANTIL”
19:03 28/02/25
19:03 28/02/25
Desfrutan pais, alumnos e docencia, do triunfo creativo do talento, da festa colexial da convivencia.
Un río de cativos, rebuldeiro
encheu as rúas de Xinzo en algarada.
Miúda barafunda de ruada,
con ritmo afagador e bulideiro.
Acáenlle os disfraces, e ao abeiro
dos seus mestres, desfrutan da foliada.
Que xolda tan feliz!; que garulada!
É o día do desfile máis senlleiro.
Desfrutan pais, alumnos e docencia,
do triunfo creativo do talento,
da festa colexial da convivencia.
Demostran da súa terra o sentimento
e o pobo a velos ven en concorrencia.
O Entroido ten limiar. Que gran evento!
Alfonso Carlos Lois