SONETO DO “ENTROIDO”
13:27 01/03/25
13:27 01/03/25
Alfonso Carlos Lois
Comezan varios días de loucura,
de humor, bromas, retranca que encandila.
Xa corren as PANTALLAS pola vila;
o ENTROIDO, é festa tola e sen mesura.
Ninguén, apenas, garda a compostura:
un baila, este troulea, outro desfila;
un canta, outro parodia, aquel cavila…
de todo iso o ENTROIDO é unha mistura.
O pobo sae á rúa moi contento;
A xente a súa ledicia manifesta
e todo se volveu rebuldamento.
O día da “sardiña” hai un lamento;
mais, sempre queda a esencia desta festa:
cultura, tradición e sentimento!