“PIÑATA”
13:42 01/03/25
13:42 01/03/25
Último dos sonetos de Alfonso Carlos Lois
O último domingo é o da PIÑATA.
Na praza volve haber festa e xuntanzas;
Cos pais, irmáns e avós van as crianzas,
vestidos de dragón, fada ou pirata…
… de “Potter”, xeneral, pallaso ou rata,
de fadas, capuchóns e outras chanzas…
Espertan todo un mundo de lembranzas
e dan vida a un Entroido que remata.
Na praza choven xa as lambetadas
e a centos van voando os caramelos,
que seguen os lambóns coas súas miradas.
En meses voltarán as alboradas.
Non caben a tristura e os recelos!
Nun ano voltarán as mascaradas.
Alfonso Carlos Lois