Novas ameazas dos ciberdelincuentes

A ciberdelincuencia leva aumentando dende a pandemia, o aumento do comercio online, o teletraballo e o uso de redes sociais fai mais fácil este tipo de ataques. Os ciberdelincuentes están cada día mais preparados e contan con ferramentas mais sofisticadas.

Ataques usando a Intelixencia Artificial (IA)

Os ciberdelincuentes usan a IA para sofisticar os seus ataques, mediante SMS de phishing (ataque que intenta roubar o seu diñeiro ou a súa identidade, facendo que divulgue información persoal en sitios web que finxen ser sitios lexítimos)

Exemplo: Un SMS que parece do teu banco e che pide que verifiques o teu contrasinal.

Protéxete: Non fagas clic en enlaces sospeitosos nin des datos persoais. En caso de dúbida, contacta primeiro co teu banco. 

Aplicacións falsas

Existen apps maliciosas que simulan ser oficiais e poden comprometer a túa seguridade.

Exemplo: Descargas unha app que promete música ou clases de ioga gratuítas, pero en realidade é un malware que intenta acceder aos datos e aplicacións do teu móbil, incluídas as apps bancarias.

Protéxete: Usa só App Store ou Google Play para descargar calquera app.

Fraudes en redes sociais

Os estafadores fanse pasar por amigos ou empresas para enganarte.

Exemplo: Recibes unha mensaxe solicitando "axuda urxente" ou promocións sospeitosas.

Protéxete: Verifica sempre a identidade de quen te contacta e nunca compartas información persoal por redes sociais.

Chamadas sospeitosas

Os estafadores fanse pasar polo teu banco para enganarte.

Exemplo: Recibes unha chamada na que che piden que fagas certas operacións bancarias.

Protéxete: Verifica sempre a identidade de quen te chama e nunca compartas información persoal si a chamada paréceche sospeitosa.

"Carding"

Estafa que consiste en acceder ilegalmente ao número dunha tarxeta bancaria, a través da cal fan pequenas compras, a través dun software xeran de xeito aleatorio a data de expiración e o código de seguridade.

Exemplo: Na súa conta aparecen pequenos cargos pendentes de autorizar.

Protéxete:  Usa redes seguras a hora de facer pagos e xestións bancarias, revisar periodicamente os cargos realizados na túa tarxeta.

Ante calquera dúbida e antes de facilitar algún dato persoal ou bancario, ponte en contacto co teu banco e descarta dúbidas.