Xornadas Musicais, a Familia do Conservatorio
O alumnado de Música e Movemento, Iniciación Musical e 1º Grao Elemental foron os protagonistas da tarde.
O Conservatorio ten no seu Calendario Escolar diversas actividades programadas ó longo do curso para fomentar e difundir a música entre o propio alumnado e o resto de rapaces da comarca.
Entre elas atopamos as XORNADAS MUSICAIS, xornadas de acollemento e portas abertas para aqueles que desexen coñecernos.
Ditas xornadas están pensadas non só para fomentar a música entre os rapaces da comarca se non tamén achegalos a esta gran familia que formamos no conservatorio.
Esta primeira xornada tivo lugar o pasado mércores 30 de Abril ás 17.30 horas. Nesta ocasión o alumnado máis cativo do centro, os rapaces e rapazas de Música e Movemento, Iniciación Musical e 1º de Grao Elemental, convidaron con entrega de invitacións e acreditacións a amigos/as a asistir a unhas xornadas diferentes, para que coñeceran de primeira mán o noso centro, as instalacións, ver en directo as clases que se estaban a impartir nese intre e por suposto escoitar moita e boa música.
Dita música estivo a cargo dun concerto do alumnado das diferentes especialidades para que os invitados tamén poidan coñecer os instrumentos.
