A Universidade de Maiores da USC ofrecerá tres sesións formativas na Casa da Cultura de Xinzo de Limia durante o mes de maio
A matrícula é totalmente gratuíta e poderá realizarse presencialmente na Casa da Cultura do Concello de Xinzo de Limia, ou a través do correo electrónico casaculturadexinzodelimia@
A Casa da Cultura do Concello de Xinzo de Limia acollerá este mes de maio tres sesións formativas enmarcadas no Programa Universitario de Maiores da Universidade de Santiago de Compostela (USC), dentro do seu IV Ciclo.
O programa, dirixido a persoas maiores de 50 anos, ten como obxectivo fomentar a formación continua e o acceso á cultura universitaria nun formato adaptado e participativo. As tres sesións, que se desenvolverán os sábados de 10:00 a 13:00 horas, serán impartidas por profesionais do ámbito universitario e abordarán temáticas de interese xeral:
- 10 de maio: Historia da fotografía: unha viaxe desde a cámara escura ata a era dixital, por Katia Cino Rouco, investigadora da USC.
- 24 de maio: Escritura creativa, con Ánxela Gracián, profesora do Programa Universitario de Maiores e escritora.
- 31 de maio: Especies arbóreas na nosa terra, a cargo de Blanca Fraga Cimadevila, tamén colaboradora do programa da USC.
A matrícula é totalmente gratuíta e poderá realizarse presencialmente na Casa da Cultura do Concello de Xinzo de Limia, en horario de 9:00 a 14:00 horas e de 15:30 a 20:30 horas, ou a través do correo electrónico casaculturadexinzodelimia@
Este proxecto de democratización do coñecemento conta co apoio da Xunta de Galicia e dos concellos de Xinzo de Limia e Verín, en colaboración coa USC.