A Cívitas Limicorum ten nova Vestalia
Foi escollida nunha cerimonia levada a cabo esta tarde na praza romana
Esta tarde a asociación Cívitas Limicorum, celebrou por segundo ano consecutivo a festa das VESTALIAS, na que nomeu outra nova Vestalia para preservar o fogo eterno.
No acto denominado II Concentración Nacional de Vestais, participaron grupos de Emérita Augusta (Mérida) Astúrica Augusta (Astorga) e da propia Cívitas, nun reencontro simbólico entre tres cidades que comparten pasado romano e compromiso coa recreación histórica.
As Vestalias foron unha das grandes celebracións da antiga Roma, adicadas á deusa Vesta, protectora do fogar e símbolo da continuidade. As vestais, mulleres consagradas ao seu culto, eran respectadas, influentes e custodias do lume sagrado. Esta recreación busca recuperar ese espírito ancestral e proxectalo nun contexto contemporáneo que defende valores de igualdade, respecto e identidade colectiva.
Rematado o acto do nomeamento comezaron os actos do lume sagrado e para rematar coincidindo co 25 aniversario da festa procedeuse a solta de farois cara o ceo, un por cada veciño, veciña da Cívitas que xa non están.
Nova Vestalia 2025
