Día da bici escolar en Xinzo
Preto dun cento de rapaces e rapazas dos CEIP de Xinzo de 3º e 5º participaron na celebración
Ainda que a mañá estaba fresca, os nenos e nenas de 3º e 5º do Rosalía e Carlos Casares acompañados do seu profesorado achegáronse ata a Telleira para comezar un pequeno percorrido en bicicleta polas rúas principais ata a praza Carlos Casares onde a Policía Local e Protección Civil prepararan un pequeno circuíto, no que puideron ver os coches da policía e comprobar o seu "grado de alcoholemia". Tamén algún levou un susto cando un dos policías lle deu o alto para apercibilo dunha posible sanción por condución temeraria, por facer "caballitos" coa súa bicicleta nun lugar aberto. Todo quedou nun "susto", pero seguro que o neno asimilou totalmente as indicacións do policía recordándoo toda a vida.
Para rematar a mañá un neno e unha nena leron un manifesto a favor de andar en bicicleta, e escoitamos ao concelleiro correspondente tomar nota para que a edición do ano que ven sexa con moitas mais actividades e máis percorrido.
Non faltou a froita para repoñer forzas e voltar cara aos seus centros escolares.
