As mulleres do rural reunironse para simbolizar o 25 N
Centraronse en seguir facendo rede, fomentar o apoio mútuo e o acompañamento.
Esta fin de semana mulleres de Pidre, Boado, San Pedro, Laroá, Lamas, Perrelos, Calvos, a Boullosa.. xuntáronse desta vez en Baronzás, para simbolizar o 25 de Novembro, Día internacional da eliminación da violencia contra as mulleres.
Tomando consciencia da realidade, este grupo de mulleres (organizado autónomamente), centran os seus esforzos en seguir facendo rede, fomentar o apoio mútuo e o acompañamento.
Analizar os avances, identificar as necesidades e crear lazos efectivos, foron os obxectivos desta xornada que valoraron moi positivamente.
Reivindican a necesidade da prevención, de ver consecuencias para os maltratadores acordes ós delitos, contar con recursos reais, e chegar a ter unha sociedade e profesionais sensibilizados co problema, entre outras moitas.
