Festival Fin de Curso do Conservatorio Profesional de Música de Xinzo
Os días 12 e 13 as 20:00 no Auditorio "Ángel Cocho" os concertos do Grao Elemental e o Grao Profesional.
O venres 20, as 20:00 na Praza da Música, o Gran Concerto de Clausura
O Conservatorio ten no seu Calendario Escolar diversas actividades programadas ó longo do curso para fomentar e difundir a música entre o propio alumnado e o resto de rapaces da comarca. Entre elas atopamos os concertos ofrecidos polos nosos rapaces e rapaces para mostrar todos os coñecementos aprendidos ó longo do curso así como o seu talento musical.
Nesta ocasión estamos a falar do “Festival de Fin de Curso”, conxunto de tres concertos onde todo o almunado do centro participará a nivel individual, música de cámara, banda, e todo tipo de ensembles para amosar todo o traballado ó longo do curso. Comezaremos o xoves 12 co turno dos máis novos do centro, co Concerto de Grao Elemental e a Graduación do alumnado que rematou Grao Elemental no Auditorio “Ángel Cocho” da casa de Cultura ás 20:00 h.
A seguinte cita será o Venres 13 coas actuacións do alumnado máis veterano no Concerto de Grao Profesional, no Auditorio “Ángel Cocho” da casa de Cultura ás 20:00 h onde tamén asistiremos a graduación do alumnado de 6º de Grao Profesional que remata os seus estudos no centro.
Para rematar este Festival temos o Concerto de Clausura, onde todo o alumnado do conservatorio participará nesta velada musical, dende os máis cativos de Iniciación Musical e Música e Movemento, ata os recén graduados de Grao Profesional para festexar por todo o alto o Fin de Curso.