O equipo de cachibol de Xinzo de Limia, viaxará a Hernani.

O vindeiro xoves 19 de xuño, a localidade vasca de Hernani acollerá un encontro amigable de cachibol, unha modalidade deportiva inclusiva e en crecemento, que reunirá aos equipos de Hernani, Ourense e Xinzo de Limia.

Este evento, que se celebra nun ambiente de convivencia e deporte para todas as idades, terá un significado especial: os equipos galegos devolven a visita que o equipo de Hernani realizou o ano pasado a Galicia, consolidando así unha bonita relación entre este grupo de deportistas.

Durante a xornada, celebrarase unha sesión de adestramento conxunta, partidos amigables e un encontro social posterior, co obxectivo de seguir tecendo lazos entre os participantes.

O cachibol, derivado do voleibol e adaptado para persoas adultas e maiores, está a gañar protagonismo como unha alternativa saudable, divertida e segura para manterseactivo e conectado.

O grupo de Xinzo de Limia, no que colaboran o Centro Sociocomunitario e a Concellería de Deportes, conta cun número de 30 deportistas federados e xa levan mais de 20 anos practicando cachibol.