Programa Respiro Familiar da Xunta de Galicia
Apoio ás persoas coidadoras non profesionais que dedican tempo e esforzo a atender familiares en situación de dependencia ou con discapacidade
O Programa Respiro Familiar está deseñado para apoiar ás persoas coidadoras non profesionais que dedican tempo e esforzo a atender familiares en situación de dependencia ou con discapacidade. A través desta axuda económica, a Xunta de Galicia busca facilitar períodos de descanso, vacacións ou a atención doutras responsabilidades persoais, garantindo que a persoa coidada reciba atención segura e de calidade durante ese tempo.
O prazo para presentar solicitudes está aberto desde o 21 de maio ata o 15 de outubro de 2025.
Persoas destinatarias
Esta convocatoria vai dirixida a persoas coidadoras non profesionais que atendan familiares que cumpran algún dos seguintes criterios:
• Ter recoñecido un grao de discapacidade igual ou superior ao 75 %
• Estar en situación de dependencia recoñecida de grao II ou III
Modalidades do servizo
O programa contempla tres modalidades de atención, sempre contratadas a través de servizos profesionais regulados:
• Atención no fogar
• Centro de día
• Estadía en residencia
Contía das axudas
A contía máxima da axuda varía en función da modalidade elixida:
• Ata 1.500 euros ao ano para estadías en residencia
• Ata 1.000 euros ao ano para atención no fogar ou centro de día
Requisitos
As persoas solicitantes deberán:
• Residir en Galicia
• Acreditar documentalmente a situación de coidado continuado
• Xustificar o grao de dependencia ou discapacidade da persoa atendida
Como solicitar a axuda
As solicitudes deben presentarse a través da Sede Electrónica da Xunta de Galicia. No caso de precisar apoio para realizar o trámite, existen entidades e servizos que poden acompañar e asesorar durante o proceso.
Porque coidar tamén é deixar que te coiden.
Esta actividade forma parte do programa Apoio e formación a familias coidadoras no rural, financiado pola Consellería de Política Social e Igualdade da Xunta de Galicia, dentro da subvención para a implantación de programas de interese social con cargo á asignación fiscal do 0,7% do IRPF.
