Este verán, vive Xinzo: concertos, teatro, maxia e festa para todos os públicos
Axenda Cultural de Verán 2025, con música, espectáculos, actividades infantis, etc...
O Concello de Xinzo de Limia vén de presentar a súa Axenda Cultural de Verán 2025, unha programación diversa e chea de actividades pensadas para toda a familia. Con propostas musicais, espectáculos escénicos, actividades infantís e grandes celebracións, a vila ofrece un verán completo para que veciñas, veciños e visitantes gocen sen saír de Xinzo.
A programación cultural comeza o 5 de xullo coa visita teatralizada Memoria en Pedra ao Mosteiro de Trandeiras, e continúa cun calendario cheo de citas destacadas, como o Concerto do Día de Galicia o 25 de xullo ou a gran celebración das Festas de Santa Mariña, do 17 ao 20 de xullo.
Ao longo do verán, as rúas e prazas de Xinzo converteranse no escenario de espectáculos pensados para todos os públicos, como Super Pandi, ¡Zasca! Maxico Show, ou os concertos de Marta Bravo & Serxio Tannus e Amorodous. Non faltará a música tradicional, co VIII Festival Internacional de Bandas de Gaitas Vila de Xinzo, nin tampouco o humor e a fantasía, da man de Mago Antón e Mistic Fire.
A programación inclúe tamén a tradicional Xornada de Folclore, en colaboración coa Deputación de Ourense, e un espectáculo musical especial o 25 de xullo, Xuntos pola Música, tributo a Juan Pardo, en colaboración coa Xunta de Galicia.
Como colofón, do 22 ao 24 de agosto, Xinzo recreará o seu pasado galaico-romano coa XXV Festa do Esquecemento, organizada pola asociación Civitas Limicorum, que este ano conmemora o seu aniversario cunha edición moi especial.
O concelleiro de cultura, Carlos Gómez, convida a toda a veciñanza a gozar da programación: “Este verán non marches: vive Xinzo. Temos propostas para todas as idades, para rir, cantar, bailar e compartir. Porque o mellor plan está aquí, ao carón da casa.”
Programación detallada:
Sábado 5 de xullo 20:30 h
Memoria en Pedra – Visita teatralizada ao Mosteiro de Trandeiras
Lugar: Trandeiras
Sábado 12 de xullo 20:30 h
Super Pandi – Espectáculo familiar
Lugar: Praza Maior
Mércores 17 de xullo Todo o día
Mago Antón – Cincuenta
Lugar: Praza Maior
Do xoves 17 ao domingo 20 de xullo
Festas de Santa Mariña
Programación específica da Concellería de Festas
Venres 25 de xullo 20:30 h
Día de Galicia – Ofrenda floral e actos conmemorativos
Lugar: Parque Galicia, Barrio do Polígono
Venres 25 de xullo 21:00 h
Concerto Día de Galicia – Xuntos por a Música
Tributo a Juan Pardo con Lisi Pardo e Antonio Barros
Lugar: Praza Maior
Sábado 26 de xullo 20:30 h
¡Zasca! Maxico Show
Lugar: Praza Maior
Venres 1, sábado 2 e domingo 3 de agosto
VIII Festival Internacional de Bandas de Gaitas Vila de Xinzo
Programación específica do festival
Sábado 9 de agosto 20:30 h
Amorodous – Versións ao vivo de grandes temas musicais
Lugar: Praza Maior
Luns 11 de agosto 20:30 h
Marta Bravo & Serxio Tannus – Alegría
Lugar: Praza Maior
Venres 16 de agosto 20:30 h
Autos Tolos – Paseos para crianzas con coches tolos
Lugar: Praza Maior
Sábado 16 de agosto 21:00 h
Mistic Fire – Espectáculo de lume
Lugar: Praza Maior
Domingo 17 de agosto 20:00 h
Xornadas de Folclore
Lugar: Praza Carlos Casares
Venres 22, sábado 23 e domingo 24 de agosto
XXV Festa do Esquecemento
Organiza: Asociación Civitas Limicorum
Sábado 30 de agosto 20:30 h
A Galiña Xosefina – Espectáculo familiar
Lugar: Praza Maior