Silvaescura non quere morrer no esquecemento

O rural esta vivindo un dos peores momentos, o despoboamento das aldeas e o envellecemento da poboación provoca que algunhas morran no esquecemento. Si a isto lle sumamos o abandono das terras e a despreocupación dos concellos por estes pequenos núcleos, a situación aínda se complica mais. 

Agora mesmo Galicia atopase en risco extremo de incendios forestais, dada as altas temperaturas e a gran vexetación. Polo que as tarefas de limpeza e desbroce por parte dos concellos deberían ser unha prioridade, pero non sempre é así.

Fai uns días, este xornal reuniuse con Jose Antonio, o último veciño, xunto coa súa muller, que viven en Silvaescura (Trasmiras).

Jose Antonio vive alí coa súa muller e os seus cans, xa non quedan mais veciños, pouco a pouco foron morrendo e deixando tanto as terras coma as casas en situación total de abandono. Isto provoca que a maleza invada cada vez mais as casas, os campos e o que antes eran rúas polas que camiñaban, agora o seu paso e case imposible. 

Lembra como non fai moito, por pequenas rúas, como a que intuímos na imaxe, aínda pasaban as vacas. Durante o recorrido foinos amosando diferentes lugares da aldea, que de non ser por el que sabe onde están, a simple vista serían imposibles de atopar, como é caso da fonte, o lavadoiro ou o forno do pan.

A dereita vemos a fonte, para acceder a ela hai que pasar o lavadoiro cara o fondo onde a maleza faina invisible.

O forno esta case en ruínas, segundo nos contou Jose Antonio íano rehabilitar, pero as obras nunca comezaron.

Outro dos problemas cos que se atopa o rural galego é ¿ que sucede cando os donos das fincas morren e ninguén se fai responsable? este caso tamén o atopamos en Silvaescura, o ano pasado o concello de Trasmiras mandou unha carta informando de que os donos das parcelas debían limpalas, pero xa habían falecido e os familiares ou non as habían herdado ou non se facían cargo, en situacións así ¿cal é a solución?

Silvaescura atopase chea de maleza, fincas abandonas e camiños sen limpar, situación que desgraciadamente aproveitan os malfeitores para roubar ou facer estragos, como por exemplo roubar as tapas dos sumidoiros. 

Jose Antonio so quere que o concello mire por a aldea, que aínda que sexan poucos veciños, tamén importan. Tanto el coma o seu fillo, que vive fora, encárganse de limpar as zonas que lle corresponden a algunha mais para poder seguir vivindo e non ter que renunciar ó que é o seu fogar dende mais de 40 anos.