A orquestra Nebraska xoga outra vez na casa
O venres 18 actuarán nas Festas de Santa Mariña, no parque do Toural
Xa coñecemos o cartaz das festas da Santa Mariña, e unha das actuacións máis esperadas é a da Orquestra Nebraska, a orquestra limiá.
Veñen presentando o seu Natural Tour 2025, con novas cancións, novos compoñentes, e datas por toda España.
Unha orquestra que xurdiu en Baltar, fai máis de 20 anos. Pero mais aló do gran espectáculo que ofreceran, a vida dentro dunha orquestra é moito mais dura do que se ve a simple vista. Meses de ensaios, preparativos, postas a punto e kilometros e kilometros de estradas.
Desta quenda queremos amosar o que non se ve, o esforzo de meses de preparación para que todo saia adiante nun día.
A orquestra Nebraska ten un longo percorrido dentro do mundo musical, o ano pasado celebraron o seu 20 aniversario. Anos nos que, onde mais actúan é en Castela León e Castela a Mancha, como di o dito: "Nadie es profeta en su tierra". Por iso esta ano as Festas da Santa Mariña serán diferentes, nelas poderán amosar a súa profesionalidade, as melloras nos espectáculos e faran vibrar aos limiaos.
Falamos con Cristian, director artístico e musical da orquestra, con tan so 39 anos leva dende os 18 no mundo das orquestras, é dicir, toda a vida. Foi baixista en diferentes orquestras galegas, ata que asumiu o control de Nebraska, alén polo 2016, orquestra que creou seu pai, en principio como afición, pero que co paso do tempo foi crecendo ata converterse no que é hoxe. El recoñécenos que antes de que o espectáculo comece, hai meses detrás de preparación para que todo este listo e tanto os artistas como o público poidan desfrutar.
De feito, en Tixós, os veciños son uns afortunados, xa que poden desfrutar dos ensaios que levan a cabo ao longo dos meses para prepararse para a xira. Este é un pequeno fragmento dun ensaio do ano pasado.
Os compoñentes de Nebraska son:
Ricardo Silva (teclista), Jeser Gil (batería), Marcos Blanco (cantante), Alexandra Carrera (cantante), Rubén Diumaro (cantante), Adrian Ribao (guitarra), Jose Romero (baixista), Rafa Arenas (cantante)
