Rogos e preguntas sen respostas no pleno de onte
A oposición quedou a espera de que na próxima sesión poidan solventarse ou os feitos respondan.
O pleno ordinario transcurriu con normalidade pero chegada a quenda de "Rogos e Preguntas" , as dubidas da oposición non foron de todo resoltas.
Camilo Vila, portavoz do BNG, foi o responsable de formular tanto os rogos como as preguntas, ao alcalde e aos concelleiros responsábeis das distintas áreas, mantendo un cara a cara con algún deles, entre eles coa concelleira de deportes e xardíns Cristina Campero.
O bloque de Xinzo, tendo en conta as vagas de lumes que afectaron este verán a contorna e a provincia, quixo coñecer que medidas se ían a tomar por parte do Concello para combater o despoboamento do rural. Unha circunstancia que indirectamente afecta aos incendios.
Por parte do Concello están a dinamizar a creación de emprego, coa ampliación do polígono e un estudo que está levando a cabo a Universidade de Vigo para coñecer o impacto da agricultura na comarca. Xa que para evitar a despoboación fai falla a creación de emprego.
Outra das preguntas foi se ían a levar a cabo a por medidas de seguridade viaria na zona onde esta localizada a escola infantil Galiña Azul, ao que o responsable de obras, o concelleiro Ramón Gómez contestou que xa estaban traballando nelo.
Outro dos problemas a tratar, foron as condicións nas que se atopan os parques públicos, o cal a concelleira Cristina Campero puxo de manifesto que todos os días están a sufrir de actos de vandalismo e que non dan feito a reparar e atallar.
Tanto o BNG coma o PSOE quixeron coñecer detalladamente as contas do Entroido, a Feira das Mozas, as Festas da Santa Mariña e o Esquecemento, unhas contas que aínda están sen detallar e que consideran que foron un gasto excesivo tendo en conta a débeda que ten o Concello.
Seguidamente veu a quenda de rogos e preguntas a cargo da portavoz de PSOE Elvira Lama
As condicións climáticas destes últimos anos están sendo anómalas, o grupo socialista quixo saber si se habían tomado medidas para previr a caída das polas no parque do Toural, algo que sucedeu o ano pasado e supuxo un risco para a veciñanza. Neste caso a resposta foi insuficiente, xa que a día de hoxe aínda non hai ningún plan de actuación.
Tamén se preguntou polo Conservatorio, para garantir que os custos de mantemento corran a cargo da Xunta, cuestión que beneficiaria a todos os alumnos, alumnas e profesorado. Ante o cal o Concello estase demorando en reunirse cos demais alcaldes onde hai conservatorios e levar a petición en conxunto.
A piques de comezar o curso, e tendo en conta que non todas as familias poden asumir os elevados custos que supón o material escolar, preguntouse si dende o concello existía algunha axuda, a resposta neste caso foi negativa.
E como estas unha serie mais de rogos e preguntas que quedaron no aire, algunhas mais o menos respostadas pero outras moitas a espera de tomar acción, o tempo compre e para a oposición mais.
