I edición do Lethes Xuvenil Cup
12 equipos competiran pola copa
A Concellería de Deportes do Concello de Xinzo e o Antela Fútbol Club organizan a primeira edición da Lethes Xuvenil Cup coa participación de doce equipos, entre eles os locais, Antela e Escolas Deportivas.
Ramón De la Fuente (1929-2001), expresidente do Antela F.C. será homenaxeado polo Concello, o club e os aficionados, que lembran o seu papel fundamental na recuperación do fútbol en Xinzo.
Os participantes dividranse en catro grupos de tres equipos, coa seguinte distribución:
Grupo A: Barbadás, Verín, EDC Xinzo.
Grupo B: Antela, Sporting Celanova, CDC Pereiro de Aguiar.
Grupo C: Cented Academy, La Purísima, Velle.
Grupo D: Pabellón, Raio 21, Maceda.
Os primeiros catro clasificados de cada un dos grupos loitarán pola Copa nos cruces de semifinais: Gañador A-Gañador B e Gañador C-Gañador D. O mesmo esquema repetirase cos segundos (Copa de prata) e cos terceiros (Copa de bronce). Celebrándose as finais e partidos de consolación o domingo pola mañá.
O torneo arrancará ás 10 da mañá do sábado día 30 cos partidos Barbadás-Verín (na Moreira) e Antela-Celanova (no Fernández Carrera). O equipo das Escolas Deportivas do Concello de Xinzo debutará ás 12 contra o Barbadás.
Este xoves, a concelleira de Deportes, Cristina Campero, acompañada polo directivo do club responsable dos xuvenís, presentou o torneo que se xogará na Moreira e no Fernández Carrera.
