Pido perdón, olvideime do pobo de Gudín (Empresa subministradora)

Despois dunha chamada de Adelino, primeiro dille que se esquecera, e media hora despois que era mentira que non pasara o camión. Ou minte a sra oficinista ou o repartidor.

Está claro que a empresa encargada da distribución de butano a domicilio na Limia, estáselle quedando grande o cometido.

Segundo declara  Adelino cando chamou o venres pasado para reclamar o subministro, a Sra. Da oficina recoñeceu que se esquecera do pobo de Gudín, pero media hora mais tarde chámao para dicirlle que estaba mentindo.

Adelino ante esa resposta o único que fixo foi colgarlle o telefono a sra. da oficina. Precisamente o mesmo que fixo con nos cando quixemos saber a versión da empresa e cando lle preguntamos polo nome da empresa, despediunos cun “Boas tardes”.

A GASOLINEIRA DE CUALEDRO SI TEN BUTANO

O problema do subministro do butano a domicilio está sendo un problema dende fai moito tempo non solo nos pobos da Limia, se non tamén no casco urbano.

Postos a fala co responsable da gasolineira de Cualedro dinos que el tivo que poñer unha xaula mais porque a afluencia de veciños de toda a contorna, agora aumentou moitísimo, porque recoñece que a empresa está a tardar moito. Segundo el nos comenta, que ten 9 persoas de baixa e non solo de reparto, se non tamén de oficinas.

Manifesta que choferes dos  camións teñen moito traballo, tendo que baleirar a man as bombonas do camión e cambialas, eu axúdolle, cousa que agradece dicindo que son dos poucos que o fai, que que o tempo retrasase. Tamén nos di que segundo lle escoita aos veciños da comarca que veñen a buscar as bombonas alí. Está claro que si tiveran o subministro a domicilio como antigamente , eu non necesitaría reposicións  tan frecuentes.